Нұрлан Жақыпов Societe Generale топ-менеджері Илья Поляковпен кездесті

«Самұрық-Қазына» басшысы Нұрлан Жақыпов Парижде Societe Generale топ-менеджері Илья Поляковпен кездесті. 

Тараптар серіктестік мәселелерін талқылады. Қазақстан Президентінің Францияға сапары аясында «Самұрық-Қазына» мен Societe Generale арасында келісімге қол қою жоспарланған.

Societe Generale — Францияның банк нарығындағы «үлкен төрттігіне» кіретін қаржы конгломераты.

Еске салайық, Қазақстан–Франция іскерлік кеңесінде «Самұрық-Қазына» бес құжатқа қол қойды. Парижде француз ұйымдары мен Қордың портфельдік компаниялары арасында бірқатар келісім жасалды:

• ҚТЖ және Societe Generale: Alstom электровоздарын сатып алуды қаржыландырудың негізгі шарттары туралы келісім
• ҚТЖ-Жүк тасымалы және «ЭҚЗ» ЖШС Alstom компаниясымен: Қосымша келісім бойынша Alstom Қазақстанға 2028 жылға дейін 117 локомотив жеткізеді
• KEGOC және ASSYSTEM: Қазақстанның ұлттық электр желісінің тұрақтылығы мен тиімділігін арттыру бойынша серіктестік орнату және көмек көрсету туралы келісім
• ҚазМұнайГаз және Axens: Қазақстанда SAF өндірісі бойынша жобаларды жүзеге асыру мүмкіндіктерін қарастыру туралы келісім
• Қазатомөнеркәсіп және Orano S.A.: Қазатомөнеркәсіп пен Orano S.A. арасында білім беру саласындағы өзара түсіністік пен ынтымақтастық туралы меморандум.

Атап айтқанда, Қазатомөнеркәсіп пен оның еншілес ұйымы - «Үлбі металлургия зауыты» қызметкерлерінің технологиялар мен технологиялық процестер саласында тағылымдамадан өту мүмкіндігі қарастырылады.